انخطا فيك نلقي فيك دوم اصدافي
يلي اسماك غالي غير مانك وافي
انخطا فيك ما نمشيلك
وانجيت في طريقي يوم ما نوميلك
حتي انكاني حنيت شور رحيلك
عيبك أكبر من لهفتي وأريافي
اغليت نين من كثر الغلا نشكيلك
واتغيب غير تلقاني هذاك الوافي
ونا كنتلك روح السهر في ليلك
وعلي خاطرك شعري ابكل قوافي
كتبتك قصيده حرفها يحكيلك
ابيات أتغزل لومها لك دافي
كل الحواس ابشوقها تصغيلك
امغير انت ماتصغي وطبعك جافي
غنيتلك ضويتلك قنديلك
رسا مركبك وينما ألقي مجدافي**
انخطا فيك ما اتخطاني
واتجي اصدار في حلي وفي أرحلاني
صورتك ملت عيني وكل كياني
استوليت عالباين وعلي خافي
امغير لوعتك منها ابقيت انعاني
وانقول ليش بالسيه عزير إيكافي
حيرتني نوضت موج احزاني
ابقويت فالغلا زاهد وجمرك طافي
سوا كنت بظروفك سوا بلعاني
العيب عيب لو تسفا عليه السافي
تبخر غلاك وطحت من ديواني
نهيت صوبنا خوذ الجواب الشافي**
محمود اكنيش الفاخري.
