مين غيرك يداويني
واروح لمين ومين غيرك يداويني
ومن عذاب وألم قلبي مين راح يشفيني
وطال غيابك عليا حبيبي وزاد هجرك
ومين يطفي نار أشوآقي وأنسي انشغالي ياناسي ودك
في بعدك حبيبي دوبني الهوي دوب
ومين راح يصبرني علي المكتوب
واعمل إيه حبيبي بعد ما إتعودت عليك
حبيتك وادمنت غرامك وزاد إحتياجي ليك
وطال الليل عليا وغيابك بكي عنيا
وزاد اشواقي وحنيني وانت مابتسأل فيا
واعمل إيه في حبك اللي بيجري في وريدي
وازاي انساك وانت قدري ونصيبي
إنت قلبي ودقاته
وايام العمر وساعاته
بادعيلك ربي يهديك عليا ليل ونهار
وتحن عليا وماتخليني احتار
وتراعي ودك ووصالك واعيش عمري كله ليك
واملك العالم كله وانا في نعيم بين إيديك
ولو وفيت ياحبيبي في حبك
هتلاقي قلبي أسير قلبك
انت حيبي وانت نصيبي
وانت قدري اللي انكتبلي
وانت الحب اللي دوب قلبي
انت الشوق اللي معذبني
مقدرش اعيش وانت فايتني
عمري كله فداك بس إوعي تسيبني
ومن حبك اللي مسهرني اروح فين
ومن عذاب الشوق والحنين اشكي لمين
دوبني هواك وغرامك
ونفسي أرضيك بس تنسي بعادك
وحشاني كتير عيونك
والكحل فتني في جفونك
وإزاي أنسي غرام لياليك
والليالي الحلوه بتناديك
ياحبيبي يكفيني قريك..
وشوية حنيه ترضيني منك
هتلقاني سامحتك
ونسيت هجرك وجرحك
بس إوعدني العمر كله ليا
وتجيني والعوازل مايشمتوا فيا
خواطر
اشرف الدغيدي