ماعاد هناك حنـــــــــــــان .. حتى العواطف كيل بالميزان
اللى غنى واللى كبير الشـــــان .. الناس تتعبلة وتنشد عنــا
واللى رقيق الحال مومليـــــان .. حتى جارة مايقرب منــــــا
ماعاد اهناك احنيــــــــــن .. ترمى علية يقول جرحك هين
شينة القسوة ما قلوب تليـــن .. واللى عليه اتلوم يرقى جنا
سبحان ياربى الحق تبيــــــــن .. للناس وضحتة وحادو عـــنـا
ماعاد تنفع جيـــــــــــــرة .. تمت مشاكل وانتقام وغيـــرة
وحتى الباهى منقطع تاثيـــــرة .. لا يقابلك ولا عاد تسمع عنـة
واللى بعد يغضب يهين كبيــــرة .. ولا ود لا معروف ترجى منـــة
ماعاد اهناك حشـــــــــــومة .. والساهلة تمت اليوم خصومــة
ويزعل الصاحب كان جيت اتلومـة .. واللى صنع معروف يحكى عنــة
والدنيا بحر غاضب لازم عليك اتعومة
ولا كن العبــــــــرة كيف تنجا منة