أعمل إيه في حنيني
زاد حنيني وزاد عذابي وحبيبتي محيراني هو يعني علشان حبيتها مسهراني
ومن نار وحدتي ياريتها حساني
ياليل اهل الهوي المساكين
جايلك اشكيلك وانا كلي حنين
يرضيك عمايل حبيبتي فيآ
وهي دنيتي وفرحتي وكل ما ليِّا
قوللي اعمل إيه معاها ياليل
معيشاني في عذاب وويل
وماجفت لحظه دمع العين
لا قادره تفهمني ولا حاسه بيا
ولا طمران فيها الحب ولا الحنيه
واسهر الليل ساعاته تطول عليا
واستناها تحن يادوب شويه
القاها تظلمني وتقسي عليا
ومين يحس بشوقي وحنيني في غيابها
ومين يرحم قلبي ولوعته وينسيني بعادها
ومين يرحم سهدي وعذابي
حبيبتي ليه مخصماني وهجراني
وليه أسأل عنها ماتسأل عني
الشوق لليالي حضنها كاويني
واعمل ايه في لهفتي وحنيني
نفسي تسامحني وبقربها ترضيني
اروح أطلب رضاها واترجاها
واتمني تقرب مني وتنسي جفاها
القاها ناسيه كل لحظه حلوه معاها
ياريت بودها ووصلها تاني تسعدني
دي ساعات بُعدها عني بتعدي عليا سنين
وحبها وهواها مجنني واروح منها فين
واشكي من نار حبها ياليل أهل الهوى لمين
دنا بقيت اشوفها في عيون كل الناس
بعد ماملكت القلب والعقل والإحساس
قولها ياليل كفايه وخليها ترجعلي تاني
تفرحني بيها واشوفها ولو ثواني
ليه تفوتني لوحدي وحيد
وليه قاسيه عليا وقلبها لقلبي عنيد
وإزاي أعيش وهي عني بعيد
خواطر
أشرف الدغيدي