بلاش عتاب
ياناسيني وناسي ودي 
هو يعني عشان واحشنى
تنسي قلبى وتنسي حبي
واعمل إيه فيك وف قلبك
اللي ساكن جوه قلبي
فين وعودك وفين كلامك
فين حبك وفين غرامك
فين احلام عمري واحلامك
لو نسيت ياحبيبي ذكرياتي
يبقي إيه طعم حياتي
فين هتروح من غرامى
وانت أملي وحلمي ومرادي
وافكرك باللي بيني وبينك
وعمري مافكرت في غيرك
اوعاك تقسي ياحبيبي عليا
وقلبى عشان حبك يعذب فيا
واللي بيني وبينك كتير وعود
وعمري مانسيت يوم عهود
ومهما كان بيني وبينك بعاد
ومهما شكالي قلبي منك والفؤاد
إيه في إيدي ياحبيبي غير العتاب
والحب هز قلبي وفيه داب
وليه انا وانت عايشين أغراب
وطيفك عمره مافارق خيالي
ولاصورتك غابت لحظه عن بالي
مشتاق كتير ياحبيبي لحضنك
وقلبي صعبان عليه ظلمك
ومش هاين عليه يظلم قلبك
ولا هاين عليه ينسي حبك
وكل لحظه حلوه كانت بيني وبينك
بتهز قلبي لما تيجي سيرتك
ياحبيبي تعالي وكفايه عناد
ارحم فؤادي واوصل ودادي
وامسح دموعي وبلاش عتاب
ده انا قلبي لسه بيحبك ومليان وداد
خواطر
اشرف الدغيدي