يا أهل الهوي
ياأهل الهوي أشكي لمين حالي
ولمين أحكي عن عذاب غرامي
واروح فين من اللي جرالي
خلصت دموع عينيا ومنين دموع تاني
روحت لحبيبي أشكيله من عذابي
ودموعي في عينيا ماهان عليه يرحمني
ويريح قلبى وعلي عذابي يصبرني
حبيبي وقلبه عاصي عليا
وابعتله أشواقي مايسأل حتي فيا
وأوصفله حنيني يمكن يراعي وده وودادى
ويرحم حالي من نار الحب اللي خدني ليه ووداني
وكان املي كبير يرجع وصاله
ويعوض قلبي عن عذاب كتير جراله
وبشوية حنيه يداوي قلبى وجراحه
وهان عليه قلبي يفضل عايش في اوجاعه
وكان قراري صعب عليا
وابعد عنه وعن ظلمه ليا
وارحم قلبي من الجروح
وعاندت قلبي وقلت مفيش تاني رجوع
يمكن يبقي حالى في بعده ارحم من عذابي في قربه
اديتوا حبي وصونت وده وهو ماراعي هواه وحبه
وياما قبلت منه اعذار وسامحته
وماقسيت عليه يوم وخاصمته
وكان جرحه ليا ويل ومرار
وغصب عني كان البعد عنه إختيار
واريح قلبي اللي عاش وياه محتار
خواطر
اشرف الدغيدي
