ونشكي لمين حزننا
رغم الألم رغم الجروح
وع الخد بتسيل الدموع
والقلب بيشكي مجروح
الله يسامحك ياللي ظلمتني
ليه خليتني احبك وسيبتني
وعلي العموم كل الهموم
هتحملها مهما گان قلبي موجوع
هنسي سيرتك وهنسي ظلمك
وهنسي إسمك وهنسي حبك
وهنسي غرامي و هوايا
وأي ذكري ليك معايا
وهرسم علي وشي ضحكتي
وهداري عنك وع الناس دمعتي
ورغم الألم اللي سببتهولي
لما إفتريت ونسيت عهودي
هبين للناس فرحتي
وهنسي كمان شكوتي
وغدار يازمن غدار
ليه نحب وآخرتنا مرار
ليه نندم علي كل اللي فات
ونبكي علي كل الذكريات
اقرب الناس غدروا بينا
واتظلمنا منهم وآسينا
وعلي بالنا واحنا اتنسينا
وكانوا أحلي حاجه لينا
وماليين الدينا علينا
والطيبه غيرت النفوس
والقلب بات متعوس
واتسرق مننا حلمنا
ونشكي لمين حزننا
لما راحت سنين عمرنا
مابين حزن وآهات وأنين
وجوانا بيشكي الشوق والحنين
وانت يا اللي ضميرك مات
آخرتها إيه قول من سُكات
ليه زودت بينا المسافات
دانا مهما قولت من كلام
جوايا كتير من الألآم
ليه حطمت الأماني والأحلام
ومن النهارده خلص العتاب
مادام عذابنا من غير اسباب
كنت راضيه معاك بحالي
وليه ده كله منك يجرالي
حبيتك وسرقت مني ايامي
وظلمتني بعد ما اديتك شبابي
وعمري ضاع مني قدامي
لما جالك المال ليه قسيت
وأيام عيشرتي معاك نسيت
وافتريت عليا لما اغتنيت
ده الأصيل مايغيره الزمن
ولا يغدر بحبيبه مهما اتظلم
خواطر اشرف الدغيدي
