علي شي صاير في خفا و مدبر
ومن سبب ضياع الوطن
أحكيها إجهار
وقول الوطن بعد عزه إنهار
بوقه انباع في وضح النهار
مناللي عالعار لا ساتر لا معبّر
عبيد الكرش وذيول برنار
كسروه الوطن كسره من يجبّر
غابوا عنا لطيور الاحرار
وحايس فيه الطاغي تجبّر
والشعب اليوم يعاني فالاقهار
يا أيامه السود يا وقته المغبّر
خبّر عالبيوع
وعلي من باع ومن رام الخنوع
وخبّر علي من شد الصروع
غير إغلاب بحكم المقدّر
ثمان شهور وإمعاه الجموع
شول وثلب في وسطه يهدّر
للاوغاد مارضيوا الطوع
سيد العبا المشهد إصدّر
صوته إعلي قايل لا رجوع
إمعاه إشراف عالزينه إتقدّع
ثمان شهور حاميها النجوع
ولولا الناتو والله ما إصدّع
جبل صوان منّاع ومنوع
صبُوا الحِمم عليه وماتكدّر
يهدر يزوم والراس مرفوع
والتاريخ بافعاله يخبّر
خبر عنهم
واحكي عليهم دوم جيب عللهم
هلِّي إمتطاهم لطلسي وخذلهم
بعد ماوصل هدفه اليوم تكبر
عليهم وعزلت الموبيين عزلهم
رماهم وراه ولا نظر لا عبّر
