حبيبي ف الهوي داب
اتاريه مشغول البال
وبعتلي هواه مرسال
مع نظره من غير كلام
وابتسامه مليانه حنان
شغلني علي طول بيه
وقلبي سلم عليه
وشاور وقاللي سلام
وقابلني تاني صدفه
هناك في نفس المكان
لما فات من غير مايسلم
بس المرَّادي إتكلم
وقال احلي كلام
بقالي يومين سهران
لا باكل ولا بنام
فرحت كتير بكلامه
وصحيٰ جوايا غرامه
ماهو كان حلم كبير
خد مني كتير تفكير
من اول يوم انا شوفته
مافارق عنيا صورته
كإن بقالنا سنين
جوانا شوق وحنين
نصيب وكان مكتوب
والهوي جمع القلوب
وما نقدر عنه نتوب
والفرح اللي كان موعود
خلاص صبح موجود
حقيقي صدق اللي قال
طبع الهوي غلاب
لو جَمَّعّْ الأحباب
وصبحنا في الحب حكايه
حكايه ملهاش نهايه
سطورها صبحت روايه
إبتدت من نظرة عين
وشبكت القلبين
وزي ماقالوا في الأمثال
حقيقي الهوي غلاب
من بعد دلع ودلال
حبيبي ف الهوي داب
خواطر
اشرف الدغيدي
