قولولها
تميت ميت في غلاك شهيد
ومفقود عقلي صار بالنسبالي
من ضمن الجرحي الحب والتكبيد
قولوها غايب عليش دلالي
قولولها بالك القول........ ايفيد
واحكولها عني اوكيف احوالي
قولولها انعاني افجرح شديد
وقولولها راهي بقت في بالي
قولولها ياناس .....بالتحديد
اللي زولها ديما اعيوني مالي
قولولها غير ويش هي اتريد
ونا دوم قولي منطبق بفعالي
عليش الزعل والهم والتنكيد
والبعد قاتلني امعطب حالي
زولك علي عيني اليوم بعيد
مضلوم والضالم عزيز وغالي
قولوها وماعاد نبي.... انعيد
في غيبتك هالكون تما خالي
الشاعر
محمد العقوري
