انضر ….. ياليبيا
شنهو بيصير….
بعد ماصار
قعدنا عار
مع استعمار
جواعه
والحكام اصغار
زعم ياليبيا …..
شن بيصير
معاهم
ثوار التكبير
بعد خلو
إنساك طوابير
أرامل وثكالى
في الدار …….
وبو برطيلة
رجع مدير
بعد اجلاه
اتنيني آه
الوطن اللّي
خانوه إضناه
زعم يابلادي ……..
حفرة دم
بديتي من هَمْ
إليَّا هَمْ
إللّي يخطف
وإللّي إيلم
وإللّي يقتل
وإللّي ايشم
الجاهل
وإللّي متعلم
طبخوا ضناكً
وذبحوا إنساك
الله إمعاك
ناديتي
وما حدش جاك
ياغويثاه
الوطن إللّي
خربوه ضناه ……
كيف ياليبيا
كيف وكيف
نسأل ربي يا لطيف
زاد الحيف
وتاريخك
لحقه التحريف
شريفك
بدا طاغي وظالم
وبيوعك
سموه شريف
كلام تخاريف
وقطع الرأس
بحد السيف
من غير مجاديف
اغرقتي يابلادي في الزيف
وقلتي آه
عل الوطن اللّي
خذلوه ضناه
زعم يابلادي. ……..
اليوم اسنين
تقسمنا والملجاء وين
بين السرقة
وحور العين
شبابك ضايع
من الصفين. …..
شبابك ضاع
ولا منهو للرأى انصاع
روسه تتكركب دلاع
وقطع ايدين
مع الرجلين
وشيوخ الدين
يحكوا لينا عن ( صفين )
والحق إلمين
وانسيناه
الوطن الزين ………
أُوآه وآه
الوطن الواحد قسمناه
زعم يابلادي ……….