💐🍀🌺🍀💐خواطر شاعر&& ب ✍️ الشاعر كوني سويري💐🍀🌺🍀💐

 جيتك بجاه الله لاتعكسها٠ 
 راهي صغيره في الغلاء سايسها
 لااتعبها
 وربي عليها الكبد ما اتغضبها
٠انت غلاها وكحلها وهذبها
٠ان ليل عليها ليلها ونسها
 كون احنين
 صافي كلام العاشقين ايرين ٠
حتى خطت راك الزعل اتبين
 تلقى جناين عاطره بنفسها٠٠٠
عليها سايس 
راهو البحر يبي خبير ورايس
مره رطيب الموج مره حايس 
 وعوم السفينه في ذكاء رايسها
خلك صافي
تدوم المحبه بالحنان الدافي
انت قبلها في ليل شمعك طافي
وبين الحنايا عبرتك حابسها